nagsimula ang lahat sa isang byahe sa tren
hindi malinaw ang ruta
nakakapagod at maingay ang mga kasama
sa kanan ay may kumakanta
sa kaliwa ay isang bida ng komedya

nagsimula na ang tanungan ng barkada
hanggang saan ba ang ating punta?

huminto ang tren at isa isa silang sumama
dahil sa kabang maiwan, ako
ay nadala sa kanilang paanyaya

umupo sa pasilyo, ano ang gagawin natin dito?
nagsimula na naman ang tropa
saan nga ba ulit kita unang nakita?

naalala ko na, hindi malinaw
pero nakita na kita
dahil sa inis, lumapit ang gwardya
bitbit ang kanyang posas, kami ay lima

kayo ba ay may iniintay?
oo, ako wala. ang iyong wika.
kasama mo ba tong mga to?
hindi, hindi ko sila kilala.

hindi malinaw sa akin kung san tayo
unang nagkita pero
malinaw sakin na nakita na kita.
agad kang bumunot ng suklay, at tumingin sa salamin.

sakto naman na ako ay nakamasid din
sa parehas na bintana kung saan ka
nag ayos ng mukha
saan nga ba kita ulit nakita?

malinaw at hindi malabo
malinaw na hindi tayo magkakilala
pero hindi malabong tayo ay muling magkita

iisang ruta, iisang tren
iisang riles, ngunit dalawang magkaibang pananaw
habang ang isa ay nakadungaw
ang isa naman ay natutunaw.

saan nga ba nagsimula ang aking pag hanga?
hindi malinaw kung saang istasyon,
hindi malinaw kung anong panahon, pero
isa ang malinaw,

nagsimula kitang makita.
sa isang byahe sa tren.